...

Sooo ommi mau we epis us mim Laebe:



Auso fehmer mau bim loeschte Donnstig an. Da hets hie Sólarkaffi gae. Auso Sunnekaffi. u das hets gae will iz endlich d Sunna ommi fuera cho isch. Has glubs scho mehrmaus gschruebe aber hie nomau: mitti dezember und januar chunnt d sunna nuemme gnueg hohi das si ueber d Baerge mag. Das hisst wier hi hie zwar mengisch Liecht ghaebe aber d Sunna saeuber nie gseh! Und muess ehrlich saege, as isch scho schoen si ommi mau z gseh... und gester hets sogar gnueg Sunna gha fuer das z Schuuzuemmer beluechtet isch gsi :P u de Lehrer was macht er? Aer tuet d Vorhaeng ai la... jaja... U im Moment gsehmer d Sunna glich nit soo fue willmer grad we Winterwaetter hi, was hisst Schnee, Sturm und suesch we Wind so wie ging. U no so epis naebe bi... Am Fritig seus hie MINS 17 Grad cho... oh mein Gott... i hoffe iz ifach mau dases nit luuftet odr das uesers Outo agfriert und wier daerum nit i d Schuel chi und dine muesse bliibe :P

mhhh saeuber gmachti Chueche

Am Fritig isch vorgseh gsi Aesse und Bau. Aber da sich z wenig igschruebe hi fuer z aesse (und d organisatore nit wuerklich hi moege) isch z aesse abgsit cho. Wier Bolungarvíker Froue si nai am 19.00 id Turnhalla wo d Houptprob zum Þórrabraut isch gsi.



Was isch Þórrablot?!?



Hehe das isch ahnschienend epis speziell vo Bolungarvík. Auso as gits im ganze Land aber hie soellis schinz epis ganz speziells sie :) auso das isch so a Veranstautig vomu numme mit 2 vorussetizge taff ga: Du muesch in Bolungarvík laebe und du muesch mitema Maa zaeme laebe (as isch glich ob verhiratet odr nume Fruend will hie di meiste nit verhiratet sin). Ja u nai gaenge alli i de aute Trachte und jedes Jahr chaeme so 10 - 15 Froue usgwaeuht vo de naechst Jahr das alles muesse organisiere. Di Froue tue nai Lieder dichte und das vorsinge und 2-3 chlini Theater vorfuehre. Alles saeuber gschruebe und ueber Bolungarvík und spezielli lustigi Ereigniss vom vorhaerige Jahr. Has hoelle luschtig gfune voallem da das ifach Mameni, Schwoestere odr sogar Grossmameni gsi sin vo das gmacht hi :) Ja u das ganza isch nai am Samschtig gsi. Wier si numme am Fritig ad Houptprob wones fuer alli offe isch gsi. U denn am Samschtig Abe aesse nai alli islaendisches Aesse: Svið (Schafskopf), Hanggikjöt, Hardfiskur, Flatkökur... I ha uebrigens oh Schafskopf probiert ... hehe

Islaendischi Tracht

Ja u wier Froue si nai speter a Bau in Ísafjörður und das isch ommi mau vou kuhl gsi und i wiss scho iz dasi di Baeu de waerde vermisse ide Schwiz!!! Dena simr no mitem DJ ina Bar und aer het ues paar hoelle gueti Charte trix zigt. U nai isches de oh ommi fuer ues him zue gange.



Am Samschtig himr am Abe nai muesse huete will ja di meiste Mammeni und Papeni am Þórrablot si gsi :) und bi ues hets aebe nai oh das typisch islaendischa Aesse gae.