Dinner & 1. Des Ball

Auso feh iz mau am Morge an:

Bue am 7,34 vo de Helga gweckt cho : "Ertu vakna?" Nöö bueni nit... auso ussem Bett, alege, wui, Sandwich mache, Jogurth ipacke, ai, WC, Taescha packe und los! Wier si epa am 8,10 ide Schuel acho, fuer mier nit so schluemm willi naemlich eh di ersti Stun frii ha ghaebe, bue auso id Biblio ga laese (national geographic!) nai hani ÍSA u ÍSL gha... ehner lengwillig! U vorem Mittag himer i Franz no a Fuuem fertig gugget und di liebi Lehrerin het mer doch ohno grad gsit dasi nit ad Pruefig muessi cho :) da hani auso gar nit nei gsit! (muess auso iz numme no a 3 Pruefige! Eng, ísa und math) jaaa u nai nachem Mittag hani Gschuecht gha... und wier si a PC gange u i ha nit zueglost auso nit gwuesst was z mache auso hani di ganzi stun ifach gamet... :S :D

Bírna og Helga

Na de Schuel bueni mit de Guðbjörg, mir Schuelkontaktperson, ga Wiehnachts shoppe! Isch luschtig gsi und ha oh as paar Sache gfune! Ja u dena bueni nai ommi mit de Helga gsi. Zerst id Bank, nai i Samkaup und schlussendlich i Jón og Gunna woni mier a Gurt kuuft ha :). Und da hani nai z nuesta vom nueste ghoert: 1.) D Band vo hetti soelle cho spile am abe chunnt nit will de ganz Flugvercher in Island gstoppet cho isch will aunenorte Sturm isch gsi. 2.) Waegem Sturm isches zuemlich scheisse zum Ort z cho womer de Bau setti ha (de einta vo de ersatz-Band isch haere gfahre und zwar mit 20 km/h... ) auso hetmu aentwaeder de Bau muesse verschiebe odr a andera Ort fuene. Am beste in Ísafjörður. Auso aunenorte agluetet (sogar im Chino) und schlussendlich im Direktor vo de Schuel. u aer het ja gsit, auso himer de Bau i de Schuel ghaebe! :)

Ég og Ásthildur

Jaa nai si wier mau himgfahre... und mier isch gsit cho i soelli doch Zahnbuerstli und PJ ipacke faus mer nit him chaemi cho schlafe (waegem Sturm nit willmer so party mache :P ) jaaa und nai simmer genau 20 min. dehim gsi, chlider iipackt und schomi gfahre. Nai ganas Liecht abhole und uf Ísafjörður gfahre. Wier si schliesslich 10 Minute z spaat a Dinner cho... u hetti igentlich 1 std frueher dete soelle si! ja und wier hi ues nai det ufem Klo umzoge und nai hets z Nacht gae. Zwuescheni si as paar Giele fueri und hi aentwaeder a Witz ufgsit odr mit ues gsunge... ohni mier :D as isch emu luschtig gsi!

Giele am Singe

Dena himer det ufgruumt, will si alli nit am Sa. hi woelle cho ruume und de Bau sowieso erst am 23,00 agfange het. Wier si genau am 22,55 fertig gsi und nai a Bau gange. D Band isch super gsi, d 1.eler si bsuffe gsi... (a Kollegin vo mier het muesse ga chotzeta putze miz waehred dem Bau...) dusse isch fasch gschleglet cho... Aber suesch isches wuerklich super gsi!!!

Dena himer ues entschiede das mer glich Him fahre... will as het nuemme so fescht gstuermt. Dezue himer no we Taxi gspuet und si schlussendlich epa am 4i dehim gsi.

u das hani truuche: Malt og Appelsin... as isch nit Bier!!! Und as isch hoelle fein! As sigi schinz as Wiehnachtsgetraenk.

Jaaa u iz hani meh odr weniger FERIE!!! Auso wuerdi mau saege ehner meh :) hehe! ha zwar no 3 Pruefige... aber di si easy und muess mer nit gross Gedanke mache (I mine AFS het gschrube as sigi OK wemer as 0 odr 1 mechi...) Jaaa u iz feht d Wiehnachtsziit an! As ischs cho alles voller Liechter und Schnee! Ha sooo fescht ghofft das mer Schnee hi ueber Wiehnachte... as isch no nit klar daser blibt... aber i bue mau optimistisch!