1/3 oder 100 Tage in Island

Bolungarvík, http://www.bolungarvik.is/ fauses eper interessiert ;) uf Myndasafn fuer Fotos!

WOOOW!

100 Tage si verbi. As isch schnaeu gange, as isch schoen gsi, as het mi agschisse, as isch nue gsi, as isch lengwillig gsi, as isch spannend gsi, as isch perfekt!

100 Tage, dass hisst epa 1/3 vo mim Jahr hie in Island isch scho verbi. U wuerklich: as isch soooo schnaeu gange. Am Afang isches mer wina Ewigikiit vor cho (jaja die typischi Hiimweh-Phasa) Ma chunt an, alles isch nue und ma muess sich a alles gwoehne. I muess saege: I ha d Tage zöut (daerum wissi oh dases 100 Tage sin :P) aber dass sou nit hisse dasi d Tage zölle fuer him! usserdaem hani das oh scho gmacht bevor i cho bue ;-) As het mehreri Beduedige:

Am Afang hets mer gsit:

Du buesch no soooo lang hie
Nai hets mer gsi: Tschue du buesch scho 1 Monat hie

... Du buesch no 8 Monat in Island

U iz aebe schliesslich: du buesch scho 100 Tage in Island und hesch no ca. 200 vor dier. Irgendwie stresst mi das! I mine as isch iz 1/3 verbi. As het a schlaechti Zit ghaebe aber no vue meh gueti Zite! Und i hami iz scho so a z laebe hie gwoehnt! (auso mini Schwiizer Puenktlichkiit isch scho mau verlore gange!!! hehe) und iz chunnt ja de Wiehnachte und nai isch schomi Silvester u nai isch Januar, nuea Stundeplan und muess mi ommi z Raecht fuenne... Im Februar chunnt evtl. d Allison mau zu mier, im Maerz oder April himer AFS Weekend, irgendwenn (glich wie ide Schwiiz) himer de no Osterferie, ihnisch isch de no 1 Wucha (oder isches as Wuchenend?!) Musigfestival in Ísafjörður, Afangs Mai si Pruefige, nai Ferie, ca. 1 Wucha Farm Ufenhaut (genau den vo d Laemmer uf d Waeut chaeme... freue mi scho), u nai isch epa scho z AFS End of Stay Camp. Verstaht der iz wieso dasi gstresst bue?! As git fue z schnaeu!!! und as git no sooo fue z gseh und z mache!

Ah ja und huet i im Monat isch Wiehnachte <:o)

Freue mi scho hoelle druf!! As isch glubs nit fue anders aus ide Schwiiz: Mit wiehnachtsbuum & Familie-aesse & Gscheich uspacke :) Ah und uf was dasi mier oh freue: anschinend si d Islaender sehr... begeisteret vo Wiehnachtsbeluechtig! Auso so wie i mier das vorstoelle het epa jedes Huus mind. 10 Sache beluechtet! Hehe mal kukken wie das de chunnt... mache de as paar Fotos!! Bezueglich Wiehnachte chunnt de mau a Iitrag will hie isch d Adventsziit chli anders... aber das gseht der de!

Ja und a Silvester: Auso zerscht isst mu mit de Familie und as het as Fuuer in Bolungarvík und i Ísafjörður u nai gits as riesigs Fuerwaerch!!! Will d Fuerwaerch si hie verbote ussert vom 31. Dez bis 6. Jan! Und so wies alli saege chunnt das a Silvester gaebig usgnuetzt!!! Eper het mer scho gsit in Reykjavík la si aube sooo fue los und i soo churzer Zit dasmu nai vo luuter Ruuch nit mau meh d Fuerwaerch gseht! Auso as muess scho seeehr gross si!!! Ja und so wie i das verstahne han git mu erst nachem 12.00 zu de Fruende und Kollege! ^.^ gonna be a looong night!

Und 6. Januar: Denn hets oh as Fuer und das waechslet alli Jahr ab Bolungarvík/ Ísafjörður. U dieses Jahr ises in Ísafjörður... -.- schaaad! Ahnschinend sigis in Bolungarvík schoener will den de Koenig und d Koenigin (wenni das juscht verstahne han...) uf Roesser daher. Nuemme iz mau an das isch epis aehnlichs wie we bi ues de Santiklous chunnt am Santiklous Maerit! Und i Ísafjörður chaeme haut ifach nuem Koenigin und Koenig ohni Ross. U nai gits glubs a we as Fescht und d luet tanze usw.

jaaajaaa i glube ma muess haut wuerklich fue feschte und mit Fuuer isch no besser i daer fiisteri Zit hie. Ize isches epa vom 10.15 bis 16.00 hell... jaja as chunt ging chuerzer...

Auso:

200 Tage vo no chaeme: i freue mi scho!!!

1 Monat: WIEHNACHTE!!!!

Ach ja und huet Abe himer as Fest hie bi ues: Alli vo ghoufe hi bim Huus si iglade. Will we si das huus kuuft hi hisi fue dran gaenderet (det vo iz mis und de Helgas Zuemmer sin zigi schinz kiner Waen gsi und as paar Chaze vom Quartier higi epa hie gwohnt...) u iz mache si as Fest fuer merci z saege... (isch we spaat aber besser spaat aus nie)