Dienstag, 25. März 2008

Osterferien

Miner Osterferie hani genau mit boarde agfange. Vom Samstig bis am Zistig simer jeda Tag ga boarde. Leider hani du nai mis Board ommi muesse zrug gae will si das ommi brucht hi. Auso bueni am Mittwuche (bi schoenstem Waetter) dehim bluebe und ha mis Zuemmer we ufgruumt und putzt will am Donnstig d Allison het soelle zu mier cho.
Allison u i d Schneemobil-Fahrer
Am Donnstig isch zerst wunderschoes Waetter gsi, aber nai so am Mittag hets gwaechslet und wier hi Schnee und Wind ghaebe. Auso hi kiner Flugzueg choene cho was hisst das d Allison erst am Fritig het choene fluege. U da si unbedingt het woelle cho isch si scho mitem erste Flugzueg cho was hisst: nit usschlafe... u das ide Ferie.... haiaiai
Ja di naechste paar Tage isch nai vous Programm gsi:
Fritig simer zerst iz Schwuemmbad, Rutschbahn und Hot Pot usprobiert. Nai diraekt uf Ísafjörður zum Skigebiet. Disi Wucha isch oh Skiwucha gsi in Ísa und daerum hets det as Konzaert gae, as Renne fuer Chin, Snowboard Jump Contest und de Hoehepunkt: as isch as chlises Flugzueg cho und het Nammi (suessigkiite und Schueggeleni) ai gschmitzt und alli Chin hi choene ga isammle!

Dr. Spock und der Maennerchor (www.youtube.com -> dr. spock hvar ert þú )
Am Abe simer nai az *Aldrei fór ég suður* (genau uebersetzt: no nie bueni i Suede. was meh mit no nie bueni nach Reykjavík) was so as chlises Open Air Konzert in Ísafjörður isch. Das gits iz siit 5 Jahr u wuerd ging bekannter u groesser. Dieses Jahr hi sich 150 Bands gemaeudet und as chi numme so 35 ga. Und ja as isch hoelle lustig gsi.
Nai am Samstig simer spat uf und nai diraekt uf z Schneemobil mitem Pabbi und mim Onku. Wier si im ganze 3 Stune gsi und hi oh saeuber toeffe fahre. Nai ommi uf Ísa az Aldrei und a daem Abe isches no lustiger gsi. Wier hi 3 anderi Ustuschschueler troffe und oh we mit as paar Luet gredt vo im Herbst hie ide Schuel si gsi und iz fuer d Osterferie ommi si cho d Luet bsueche. U am Samstig abe hets no as wunderschoes Polarliecht ghaebe dusse!!! wuerklich so as grosses hani no nie gseh... leider hani d Kamera nit debi ghaebe...
I u Mugison a bekannta islaendischa Saenger
u am Sunntig himers nai we gmuetlich gno: wier si a Strand ga spatziere und hi we DVD gugget und am Abe simer az Theater (Rocky Horror).
Am Mentig morge isch d Allison nai ommi him und i ha agfange Huusufgabe mache da hie d Osterferie numme bis huet, Zistig de 25. gaenge. Was hisst wier hi mor ommi Schuel... SCHADE!!! Aber nai himer no 4 Wuche und 2 haubi Wuche Schuel u nai feh schommi d Summerferie an.
Oh je da chunnt mer nai grad ommi i Sinn dassi iz numeno weniger aus 3 Monat hie bue.... iz grad bueni we gstresst u wott no nit him. I hamer hie iz as Laebe ufbuut und oh wenes mengisch we aschisst, as isch ueberwiegend schoen u lustig. U iz woni d Sprach fasch perfekt *huestel* chan u wuerklich mit de Luet cha rede u so gfauts mer nomau ging wie meh... u wases natuerlich no schwerer macht isch ifach dasmu wiss das so as Utschuschjahr einmalig isch... klar chamu evtl. nomau hie haere cho... aber denn ischmu schomi a Tourist und nuemme a fasch-Iwohner....
Aber i gniesse iz emu mini Zit hie no, vorallem de Winter vo nie wott ende... glube i waerde no im Maie Schnee ha! (u nai im Schwiizer Summer staerbe vor Hitz....) u oh wenni no nit him wott freueni mier uf dehim und alli ommi z gseh und ommi i mim grosse Bett z schlafe und und und. Aber i waerde Island sicher vermisse!

Montag, 17. März 2008

Im Land der flachen Berge




Die letzten paar Tage habe ich im Schnee verbracht: Ich bin endlich mal dazu gekommen auf's Board zu steigen. Das Skigebiet hier in Ísafjörður is ziemlich klein: Es gibt 3 Lifte (ungefaehr: Trainerlift, Kaiseregg und Bodenlift) aber dafuer gibtes etwa 25 Pisten zum herunter fahren und man darf einfach mal links und recht raus weils nicht wirklich Lawienengefahr gibt zur Zeit. Es sind schoene Pisten aber eigentlich nur sehr einfache nichts wirklich spannendes aber das ist okay. Wenigstens kann ich boarden =)

Am Samstag morgen... wurde schlussendlich doch Mittag.. fuhr ich mit Hafþór, meinem Hostpapa, mit dem Snowmobile in die Berge. Wir fuhren auf einen Berg und oben war es so, als ob man irgendwo im Flachland waere: nichts als Schnee, kein Huebeli u nuet! Wir sind dann bis nach Skálavík gefahren und hatte einen wunderschoenen Blick hinunter ins Tal. Dann gings hinunter zum alten Leuchtturm. Dort hat frueher eine Familie gelebt und musste fuer den Turm schauen und die kamen nirgends hin. Man kam nur mit Boot dorthin. Heutzutage ist es ein Ferienhaus aber man kommt glaub ich noch immer nicht dorthin ohne Boot oder Pferd.

Dann sind wir wieder hinauf auf den Berg und bis nach Suðureyri gefahren. Auch da hatten wir einen wunderschoenen Blick hinunter.
Und schlussendlich sind wir um den Berg herum wieder runter gefahren und haben noch einen kleinen Stopp neben der Kirche gemacht, wo ich selber ausprobieren durfte wie es ist so ein Schneemobil zu fahren =) und dann gings nach Hause und aufs Board.

Dienstag, 4. März 2008

Akureyri Weekend

Die loeschte 4 Tage si ommi mau de Wahnsinn gsi!
Auso am Fritig bueni nach ca. 4 std schlaf (Theater, Houptprob usw.) am 7ni uf und usi gugget: riese Schneesturm, schissi und alles. Am Tag devor isch z schoenst Waetter gsi. Auso hani 2 Moeglichkiite gha:
- Mitem Outo ga und zu fasch 90 % z spaat ufe Flueger
- Warte bis 14.00 und chume nai evtl. gar nit uf Reykjavík
Hami fuer z Outo entschiede, will da bueni wenigstens in Reykjavík wenni de Flug uf Akureyri verpasse. Auso 8 Std Outofahrt, zerst riese scheisse waegem Waetter, abr am Mittag isch mau schoen cho. Auso simr ca. am 16.00 in Reykjavík acho. Mi Flug heti am 15.30 sölle si. Abr de Pabbi het agluetet und alles tiptop: de Flug Ísafjörður-Reykjavík isch no guetig, cha dae auso as andrs mau bruuche! u nai de flug reyk-akureyri hani haut de spaetera gno auso am 17.30. Ufem gliche Flug isch uebrigens de Páll Óskar gsi.
Ja u i Akureyri bueni nai abghout cho, hi a rúnt i Akureyri gno und si nai alli zaemme ga aesse. Di andere si im Schwuemmbad gsi abr i bue haut ifach z spaat gsi. Nai hets Pizza odr Burger z Nacht gae u dena simr no inas Kaffihuus epis ga triiche. Wier hi glubs di ganzi zit numme gredt, gredt, gredt! Wow isch das kuhl gsi! Nai simr alli zaeme iz Chino ga Juno gugge. Dena himr igentlich woelle ga Akureyri rocke abr isch nit so gange will mer bi de AFS Leiterinne gschlafe hi... defuer himr nai epa bis am 4i am Morge zaeme gredt. I uesem Huus si gsi: Hélene(Belgie) u Bilge (Tuerkei) u Allison (USA) u i.
Am Samstig himr choene usschlafe und i bue glich scho am 9.30 gweckt cho: mini Zuemmernachbarin het uf z WC muesse abr das is bsetzt gsi... = wier hi ues zuemlich amuesiert bis si uf z Klo het choene :P Nai himr ues kannet und hi ues mit de Ann-Sophie (vo Belgie) imena Kaffihuus trofe und zaeme Kaeffelet. Dena simr inas Museum gange (gaaanz lengwillig...) und nai ga Glaca aesse... anschienend seus di besti in ganz Island si hehe.
U so simr schlussendlich iz Summerhuus gfahre womr oh gschlafe hi. Det hets a Hot Pot dusse ghaebe und z Huus saeuber isch hoelle modaern und schoen gsi. Ja und det himr am Samschtig igentlich numme zaeme gredt, glachet, gspuet und Pizza und Glaca gaesse. Wier hi bis am Morge am 3 odr so gredt natuerlich oh Grusugschuechte (wier si we im gaggo gsi) und nai isches ganz luschtig gsi ide Nacht: di einti Leiterin het iz Zuemmer woelle ga saege das si sue stue si... und alli hi gmint si sigi a Massemoerdr und hi gmoeget was si hi choene... glubs as hi sogar paar afa paege so erchluepft si si... hehe
ja u am sunntig isches nai ommi gmuetlich gsi: pizza zmorge odr oh glaca fuer di wos woelle hi :P und nai simr am Namittag mau gange. Alli si him ussrt d Allison und I si no bis am Abe in Akureyri bluebe. Das isch a riiiiese Tag gsi!!!! Wier (Allison und ig) si zerst mau mit de Akureyri-Ustuschschueler Ollie (Australie), Lelenia (Italie), Ann-Sophie (Belgie) im Kaffihuus gsi epa de ganz Nami und hi gredt! Nai simr mau ga aesse. hehe und wemr im Restaurant uesi Frites besteut hi isch hindr de Verchueferin ufem Grill as Fuer usbroche :P nai I so: hei wette de Alarm git grad los wemr sitze u feh afa aesse. Auso simr alli 4 ga sitze und hi afa aesse und epa 30 sekunde speter git de Fueralarm los. Alli si usi gange ussrt wier 4 si dine bluebe und hi gmuetlich uesr Frit gaesse... bis si nai versuecht hi z Fuer(as isch nit wuerklich gross gsi) z loesche: mit Wasser... u jeda wiss ja dasmu as Öl-Fuer nit mit Wasser loescht... auso simr nai oh usi gange! Abr nume so 5 min nai isch schomi alles guet gsi. Dena simr nai zum Flughafe gfuehrt cho u uesa Flug heti am 21.10 ga. Abr nai hets ghisse dasr verspaetig het und am 22.25 fluegt. Auso himr entschiede no we iz Kaffihuus z ga. Det himr nai epis truuche und miz im Gspraech luetet ufzmau de Flughafe de Allison an: Wo das si sigi, si warti!
Auso alles la sta und iz Outo gsecklet (isch wuerklich schnaeu gange!!!!) und zum Flughafe dueset. Det het scho a Maa fuer ues gwartet, wier si usem Outo gsprunge, hi nit mau wuerklich tschuess gsit und ussi. Det isch as Flugzueg gstande u wier vou druf zue gsecklet u nai chunnt de Maa so: Nei nit das z andera! Auso zum andere Flugzueg gsecklet, a Bode gugget und zu uesne Plaetz gange (wobi mer glubs paar ne luet uesi Taesche a chopf gschlage hi) und ghocket und beidi ifach numme no glachtet! U nai isch naebe dran no so as chlises Mitli gsi vo im Mami gfragt het wieso das wier so spaat sigi.... wier hi nuemme choene! Hehe und d Stewardess oh no so schoen: Tschudigung fuer d Verspaetig, abr iz chimer ja fluege. hehehe dae Tag waerdeni nie vergaesse!!!! Alli hi ues boes agugget u wier si numme fasch dueri gange vo lache!!!!!
Nai in Reykjavík bueni abghout cho und wier si i uesi gmieteti Wohnig und am Mentig bueni nai i Kringlan ga shoppe und wier si epa am 16.00 losgfahre und epa am 00.00 in Bolungarvík acho.
Tschue das Wuchenend isch luschtig gsi und bue unheimlich froh dasi det haere ha choene ga!!!!